樂仔外傳第一部

方子正是我的鄰居，也是我的老友，並且是我的中四、五的同學。

自從中五畢業放暑假，我和他好像失去了聯絡。

最近在王希兒的口中得知方子正的消息，說他在某某商場的後樓梯口看見他獨自一個人在飲酒，整個人都好頹廢。

我聽完後都好愕然，於是去王希兒所說的地方去找他。

去到某某商場，我看見有好多啤酒樽倒置在樓梯邊，可是卻看不見方子正的蹤影。

正想離開的時候，我聽到上面有玻璃樽碌落樓梯的聲音，於是便行上去看看。

行上一層，我就看見那支碌落來的啤酒樽碌到我的腳邊，再往上看就見到方子正剛好抬高頭飲緊他手上的一支啤酒。

方子正飲完手上的啤酒，正想拿第二支的時候，就看見我，愕然地道：「樂仔？！」

我沒說話，只是行上去，坐在他的身邊，拿了他正想拿的啤酒，然後用放在地上的開瓶器開了樽蓋。

我咕嚕咕嚕地飲了幾口，這才開口道：「哇，原來啤酒係咁苦嘅咩？仲苦過食苦瓜，虧你還可以飲咁多支呢。」

方子正皺了眉頭，道：「你點知我喺度㗎？」

我道：「聽朋友講嘅。」

方子正皺著眉頭，道：「朋友？這裡無乜人行，點會知道……」

我又飲了一口啤酒，道：「呢啲重要嗎？重要嘅係你點解喺呢度飲悶酒呢？」

方子正「唉」了一聲，開了一支啤酒就飲，我也靜靜地跟他一起飲。

直至我們把地上的十幾支啤酒全都飲完了，方子正才開口道出事情的經過。

＊＊＊＊＊＊＊＊＊＊＊＊＊＊＊＊＊＊＊＊

有一天放學，方子正經過一個籃球場，他看見有五個男仔在打籃球，球技都很好。

看了一陣，他也忍不住想玩埋一份，於是他衝了上前，道：「嗨，可以摻埋我玩嗎？」

五個男仔停下來，互相吱吱浸浸的說。

討論完後，其中一個男仔道：「好呀，一齊玩吧。」

於是他們分成兩組，每組三個人。

方子正和他同隊的互相道了名字，四眼的叫阿傑，而另一個就叫阿星。

三對三戰局，以方子正最勁，入球率最高，尤其三分球最多，其他人也對他感到敬佩。

＊＊＊＊＊＊＊＊＊＊＊＊＊＊＊＊＊＊＊＊

我道：「點解你射籃勁咗咁多嘅？」

方子正道：「自從上次看到你射過那球以拋物線穿針入籃後（請讀者自行翻查《樂仔少傳》第三部），我就不停操練啦。」

我有點懷疑地道：「咁短時間，就有咁嘅成就？！」

方子正生氣地道：「就係有呀，你吹得我脹咩！」

我道：「又唔使咁勞氣，繼續你嘅故事吧。」

＊＊＊＊＊＊＊＊＊＊＊＊＊＊＊＊＊＊＊＊

當比賽結束後，方子正那隊就以大比數贏了對方。

一個比較高大的，其他人都稱他為隊長，對方子正道：「你嘅射籃技術很勁呢。」

方子正笑著道：「撞彩啫，比我勁嘅大有人在。」

隊長道：「你太謙了。係呢，一陣我哋去大家樂吃飯，要一起嗎？」

方子正道：「好呀。」

於是他們一起來到商場三樓的大家樂，各自各叫了一個餐，便坐下來，一邊吃一邊聊。

方子正道：「我叫方子正，你哋呢？」

隊長道：「劉進威。」

阿傑道：「洪昭傑。」

阿星道：「汪天星。」

跟著介紹自己名字的那兩個人，當說出話來就令方子正驚訝了。

「鍾燕雲。」

「侯翠雯。」

方子正驚訝地道：「原來你哋兩個係女仔來㗎。」

侯翠雯道：「乜我哋唔似女仔咩？」

方子正向這兩個女仔由頭望到落腳，她們的髮型是男仔頭，青靚白淨，尤其是鍾燕雲，如果她是個男仔的話，一定迷死很多女仔。

他道：「因為看見妳哋一身男仔裝束，所以誤認係男仔啫。」

鍾燕雲道：「無所謂啦，似男仔唔好咩，做女仔好麻煩㗎，又要驚大姨媽到喎。」

侯翠雯道：「大姨媽到係煩，不過我唔似妳，什麼都無所謂，我係鍾意男仔㗎。」

鍾燕雲皺了眉頭，道：「鍾意女仔，又無乜錯呀。」

侯翠雯道：「神創造人類係一男一女，相相對對，點解……」

汪天星插口阻止她們，道：「好了好了，妳哋唔好再吵下去吧，給外人看見，多尷尬。」

洪昭傑對方子正道：「女仔大都是鍾意吵吵鬧鬧，希望你唔好見怪。」

方子正道：「唔會唔會。係呢，看你哋打籃球好有規則咁，係校隊嗎？」

劉進威道：「係呀。」

方子正指一指鍾燕雲和侯翠雯，道：「女子籃球隊？」

劉進威道：「唔係，佢兩個都係和我哋同一隊，我哋係男女混合籃球隊。」

方子正道：「咦，乜籃球有男女混合嘅咩？」

劉進威道：「有呀。」

方子正道：「跟普通籃球賽有咩分別？」

劉進威便把男女混合籃球賽的賽制講解給方子正聽。

方子正聽完後，道：「女子入球分數會另加一分，那麼大多數由女子入球就可以了。」

侯翠雯道：「可是我和小雲嘅入球率很低呢。」

劉進威道：「所以呢……阿正，你可唔可以幫小雲和小雯訓練一下呢？」

方子正愕然地道：「我？！」

侯翠雯興奮地道：「係你啦，你一定可以幫到我哋嘅。」

方子正感到不好意思，道：「可以嘅，我盡能力吧。」

劉進威道：「太好了，那就麻煩你了。」

－（待續）－

＊＊＊＊＊＊＊＊＊＊＊＊＊＊＊＊＊＊＊＊

編作～少見

ns3.149.231.42da2

Reading Theme:

Font Size:

Line Spacing:

Paragraph Spacing:

Load the next issue automatically